eshta في 11:18 م

كل الي عاوز يشوف القديم ينزل تحت ويجيب الرسائل الاقدم او القديمه ويشوف كله have fun

alf lela we lela part 7 we el a5era في 11:16 م

- بت ياشهرزار....انتي ياحجه؟؟؟؟؟

- امرك يا سلطاني

-سلطاني!!!

-ايه مالهاي ديه ياخويا؟؟؟

-اخوكي؟؟؟..ماشي يا حجه معكيش جنيه؟؟

-ليه بقي؟؟

-بت اتني اتلمي وكلميني عدل بدل ما اديق غرزه في وشك!

-لا ياشيخ وانت من امتي بتشيل مطاوي

- مش موضوعنا المهم هاتي الجنيه

-معيش روح استلف من عمتك مش هيا الي بتسلفك

-بقي كده ماشي.......يامسرور

مسرور:(من ورا الباب) بقولك ايه معيش فلوس مش قاطع رقبه حد عشان انا عملت ضريبت القطع عاوز تلاتين قرش غير الدمغه وديه ليا بس يلا يا حبيبي روح استلف من عمتك .....كتك القرف

-يخربيت اهلك يا مسرور الكلب والنعمه لوريك.....طب يا عبد الجبار!!!!

عبد الجبار:(برده من ورا الباب) اشمعني هو... انا زيه بالظبط ....اه.. البلد غليت اليومين دول وريح نفسك انا معيش حتي اشحن ..

- ماشي يا عرة الرجاله انت وهو ....مقوداميش غير حل واحد ..........اروح لعمتي

شهرازاد ومسرور وعبد الجبار: هههههههههههههههههههههههههههههههههههههههههههههههههه

...........وفي العصريه

-انا جيت يا حيوانات يعني في ناس هتدبح النهارده 

-اهلا يا شهرورتي منور

- اه ياختي لما بقول في ناس هتدبح علي طول تدلعيني اخ منك والله اوريك ........يامسرور

-مسرور مش هنا يا حلو .....النادي الاهلي اشتراه ....شوفت حظك المنيل؟؟

-اخرسي يا ذزمه في عبد الجبار يا حبيبتي .......ولا يا عبد الجبار

-هاهاهاهاهاهاها عبد الجبار راح مساعد ليه هههههههههههههههههههههههههههههه

-انا هدبحك بنفسي

-ياض فوق لنفسك يلا انت هتستفاد ايه لما تدبحني

-مش عارف بس هستفاد اكيد!

-يا سلام يا حدق علي العموم بابا بيسلم عليك وبيقول مفيش ولا رنه يا جزمه؟؟

-بابا ..... لقيتها اشوفك بعدين

-رايح فين؟؟؟؟؟؟؟؟

-وانتي من امتي ياختي بتقوليلي رايح فين؟؟؟

-ماشي يا عم الحج
 
-رايح اعمل حمام هاهاهاهاهاهاهاهاها

-يخربيت دمك!

-ماااااااااااااااااااشى ماشي كله بحسابه ...brb

-tyt ياخويا

...........وفي المساء

-انا جيييييييييييييييييييييييييييت

-هييييييييييييييييه انت ايه الي جاب بابا معاك؟؟؟

-اهو بقي انتي وهو وانا هنتفق علي حاجه الي هيخون الteam بتاعنا هيندبح!!!!!!!!!!

-يا سلاااااااااااااااااااااااام وايه الحاجه ديه بقي يا خويا؟؟؟؟؟؟؟؟؟؟؟؟؟

-كل واحد فينا يجبلي الفلوس الي معاه وانا كمان هجيب الفلوس الي معايا ليا 

-وانت عاوز الفلوس ليه بقي يا خويا

مزاج اهلي انتي مالك انتي؟؟

-.....يا بابا.؟

......(غمست لابوها وابوه هزلها راسه وبعدين)

طااااااااااخ دوم طك درب طااااااااااااخ طوخ دش بووووووم

- اه يادمااااااااااااغيييي 

-كتفه يا بابا

-يخربيتك انتي بتعمل ايه يا جدع انت

-لا متخفش ده هيكفتك وانا هعرف اتفاهم معاك

-لا يا شيخ....اوعه....اوعه يا جزمه

-شكرا يا بابا مع السلامه انت

-الوزير:ماشي يا بنتي اي حاجه اديني رنه من موبايلك وانا هطلعلك عينه

-شكرا يا بابا

.........

-انتي يا بت فكيني

-هفكك بس بشرط 

-ايه هو؟؟

-اياك تكلمي وحش او تجيب حكايه الدبح ديه تاني والا هدبحك

- ماشي بس وحيات ابويا اول اما تفكيني لدبحك

****بعد ما فكته*****

-بت يا شهزاد

- عاوز ايه؟؟

-احنا مقضيناش شهر عسل مش كده؟؟

-اه صحيح

-ايه رايك نقضيه في ماليزيا 

-اشمعني

-اصل الاعلان الي بيجي في mbc بتاع ماليزيا حلو اوي وانا عاوز اروح هناك

-وانت عاوز تقضي شهر العسل ليه

- عشان نن.......

-نن.. ايه يا عم؟؟

-يووووووووووووووووه انتي ليه مش بتفهمي؟؟

- ااااااااه قصدك يعني... ههههه لالالالا انا بكسف

-بتكسفي ايه ده انت اكبر بجحه في المملكه

-يخربيت لسانك الزفر الي عاوز قطعه

-انا ؟؟؟ماشي خليها علينا ها قولت ايه انا نفسي في حتت عيل يشيل اسم السلطان شهراير الثاني او التاسع

- التاسع ؟؟؟؟

-بهزر يا دزمه

- هااااااا هنرجع تاني؟؟؟؟؟

-خلاص يا حجه

-وايه دخل شهر العسل في حكايه العيل

-انتي مدخلتيش مدارس؟؟

-انا خريجه صنايع يابا

-يابا؟؟؟ وكمان صنايع

-ايوه مش عاجباك ؟؟

-لا عجباني طب دخلتي تلته اعدادي؟؟

- ايوه 

-امال ليه مش فاهمه

-مش فاهمه ايه

- يادي النيله افهمها ازاي ديه؟؟

-ااااااااااااااااااااااااااااااااااااااااااااه ههههههههه بتكسف يا وله

-وله؟؟؟؟؟؟؟؟ برده انت اكبر جبله واكبر بجحه كمان كتك القرف.......مفيش شهر عسل !!

-احسن كتك القرف

-متحكيلي قصه

-عند ام ترتر

-مين ام ترتر ديه

-اقولك ولا تزعلش؟؟

- ههههههههههههههه يخربيت دماغك 

-بقولك ايه متيجي نقوم نتعشي

-لا مش جعان انا رجعت في كلامي متيجي نروح ماليزيا ..؟

-ماشي يا عم وانت هطلع ماليزيا منين بقي؟؟

-منين ازاي؟؟

-منين يعني هتدفع فلوس الرحله منين؟؟؟؟؟؟؟؟؟؟

-ماهو بعد كاس العالم الطيارات رخصت

-برده هتجيب منين هتستلف من عمتك؟؟؟

-بقولك ايه خلينا حلوين!!!

- ماشي يا عم

-ممكن نطلع بالقرعه

- يا عمي هو احنا طالعين نحج؟؟

-اه طب ما تيجي نطلع علي حساب الشعب؟؟....اهو انا السلطان بتاعهم وتعبان معاهم ومن حقي يريحوني

-اولا انت سلطان اونطه انت اخرك السلطانيه بتاعت مرزوق ثم انت مش تعبان ولا حاجه انت نايم يا اما بتآوح معايا ..ثم ان الشعب كل حسابه انت اخدته وصرفت علي (البيكرولز) و(الكورن فليكس)

-يخربيت دماغك

-وبيت دماغك

-المهم ....تعالي ناخدها مشي

-انت يلا بتتكلم ازاي ؟؟؟

-من بقي

-يخربيت دمك الرزل 

-اشمعني

-في حد ياخدها من هنا لغايه ماليزيا مشي؟

-خلاص ناخد مكروباص بتاه مسكن مسكن دده؟؟

-لا ظريف

-امال ناخد مركب؟؟

-هاهاها متيجي نناخد عباره السلام احسن؟؟

-هاهاها انتي كمان ظريف انت مش عارفه انها ممكن تغرق بينا

-لا يا شيخ ال يعني الواد معاه حق تزكرته لواحده

-طب هستلف من عمتي

-عند ام ترتر برده

-تاني ام ترتر..؟؟

-بقولك ايه متيجي نقضيه هنا المهم ان الي هنعملوا هناك نعملوا هنا؟؟

-والله فكره ازاي مفكرتش بيها ده انا غبي اوي!!!

- طول عمرك

-يا بت بطلي طولت لسان !!!!!!!

-ماشي يا عم المؤدب

-بقولك هنقضيه امتي

-بعدين مش دلوقتي 

-اشمعني ده انا ...........

قاطعته وقالتله..

-بقولك ايه مش دلوقتي

-طب نستني لبكره

-ربنا يسهل

-ها هتنامي ولا ايه؟؟

-للالالا في فيلم بتاع جيم كيري علي الmbc2 حلو 

- اسمه ايه؟؟

-the mask

-يجد؟؟؟؟؟؟؟؟؟؟؟؟؟؟؟

-ياعم هو انا ههزر معاك 

-ماشي انا (هااااااااااااااااااااااااااااااااااااااوب(بيتاوب)) هتفرج معاكي

-براحتك يا خويا

-متقومي تعمللنا فشار

-عندنا ملح؟؟

-اه في الدرج جنب الخرم بتاع النمل انا حاطه هناك عشان ادحك علي النمل وياكله علي انه سكر يقوم الحموضه ترتفع عنده يقوم ميت

-لا حدق

-منا عارف

-وبجح

-منا عار......يادي اليله ... يابت ..روحي اعملي الفشار!!!!!!

-اووووووووف ديه عيشه تقرف 

-بتقولي حاجه

-قالك الئل

بيقول بهمس(يخربيت لسانك)

***بعد الفشارما خلص****

-انا جيت ومعايا الفشار يجنن

-اوعي تكون حطالي حاجه فيه

-يا رييييييييييييييييت

-الله يقرفك

-ويقرفك

-طب سيبينا نتفرج علي الفيلم

-طيب انا هدخل الحمام

-اجي معاكي؟؟

-هيا فسحه اترزع اتفرج علي الزفت الفيلم

-ماشي

-brb

-tyt

................

-انا جيت

-نورتي البيت

-يا سلام الكلام الحلو طالع منك زي السكر

-وانت كلامك كله يقرف

-الله يخرب بيت امك

-باااااااااااااااااااااااااااااااااااااس!!!!!!!!!!!!!!!

-وصل لغايه فين الفلم

-لغايه اما دخلوه السجن

-طيب....عقبالك

-امشي جوه....امشي..تفووووووووه

-هييييييييييييييييييه انت بتف عليا؟؟؟

-اسف 

-وحيات ابويا لوريك..........يا سيد

-سيد مين؟؟؟؟؟؟؟؟؟؟؟؟؟؟؟

-خليك في حالك

(سيد ضرب الباب ودخل)

سيد:امرك يا ست هانم

شهرزاد:اقطع رقبته

شهرايار:شاهي حبيبتي انا اسف والله

سيد :بقولك ايه انا نفسي اخلص منك من زمان تعالا يا حبيبي وطي رقابتك

شهرازاد:اصل سيد من الشعب ههههههههههههههههههههه

شهرايار:شاهي يا حبيبتي هديك الخمسين جنيه الي معايا..!!!

سيد و شهرازاد في نفس الوقت: معاك فلوس!!!!!!!!!!!!!!!!!!

شهرايار:ده انا استلفتهم من عمتي

شهرازاد :لا يا شيخ هيا عمتك شغاله ايه؟؟

شهرايار: فاتحه مطعم الشبراوي

شهرازاد: روح انت يا سيد

سيد: امرك يا ست الكل

وخرج سيد


- اخ منك ليه مقولتليش انك جبتي واحد جديد

- يعني انت قولتلي انك جبت عبد الجبار

- لا ناصحه

- متخلي عمتك تشوفلك شغل في الشبراوي؟؟؟

- يا سلام يعني بعد ما بقيت سلطان اشتغل في الشبراوي

- احسن منت قاعد زي البهيمه كده

- انا بهيزي يا دزمه

- اه بهيمه

- طيب اشوف الحكايه ديه بكره 

- طيب يا خويا

- خخخخخخخخخخخخخخخخخخخخخخخخخخخخخخخخخخ

- يادي التقسيمه المنيله ديه ده بينام باللاسلكي

- برده مجابش سرير عريض امري الي الله

وفجاه هبط الامطار وعصفت الرياح ونزلت صاعقه علي القصر كل الي فيها ماتوا وخلصت القصه

ولو المخرج كان عارف كده كان سماها ست ليالي وليله



***************************

alf lela we lela part 6 في 11:14 م

السادسه


- بت يا شاهى
- .........................
- انتى يا بت
- عاوز ايه عالصبح
- هو انا نفسى فى ايه؟
- نعم يخويا ؟
- ايوه يعنى واحد زى المفروض يكون نفسه فى ايه؟
- يعنى انت مصحينى سته الصبح عشان تستعبط؟
- لا بتكلم جد والله 
- اسأل الحمار
- منا بسأله اهو
- بقولك ايه سيبنى انام وبطل هبل عالصبح ............. ولا اندهلك مسرور؟
- بعته يجيب فول
- طب اندهلك عبد الجبار
- ده حمار ده مش عارف القوانين
- طب اهمد بأه مش كفايه المله اللى ناقصه دى قطمت ضهرى
- اه دى عبد الجبار اخدها
- ليه يعنى؟
- بيلعب صلح هو ومسرور
- ايه الهبل اللى انا عايشه فيه ده يا ربى .......... يا عم ان اهنام
- طب بس استنى
- ها
- قولى بأه انا نفسى فى ايه؟
- يبنى انت اللى تقول مش انا .............. هى مش نفسك انت؟ ..... ايه التناحه دى
- طب بلاش السؤال ده ...... قوليلى 
- ها
- انا ناقصنى ايه؟
- اللى نفسك فيه
- طب انا مش نفسى فى حاجه
- عشان مش ناقصك حاجه
- طب اعمل ايه فى المشكله دى؟
- تسيبنى انام
- طب كملى الحدوته بأه وخلاص
- لا لسه بدرى عليك لما تكبر
- لا هتكمليها والا هشيل مله كمان
- يادى النيله يبنى عاوزه انام
- طب قولى فى السريع كده
- اوكى .............. التعلب مشى ورا النعجه ............
- كان ديب مش تعلب
- يا عم هى هتفرق معاك؟
- لا
- خلاص اسكت بأه ............. الزفت مشى ورا النعجه وهى اخدت بالها وقعدت تقول يا خساره على ولادى رفيعين ومدهولين
- مكلتش معاه طبعا
- اه وفضل ماشى هى قعدت تقول يا خساره يا ولادى عيانين ومش عارف ايه وهيموتوا
- مكلتش معاه
- اه برده وفضل ماشى وراها وهى قعدت تقول يا خساره يا ولادةى عيانين واللى هياكلكوا هيموت
- مكلتش معاه اساسى
- لا اكلت المره دى ومشى وسابها فى حالها زى مانت هتسيبنى فى حالى كده عشان انام
- طب انا هعمل ايه بأه؟
- يا عم شوفلك كتاب حواديت واعتقنى بأه
- والله فكره



وفى المساء.................

- يلا يا بنتى قولى الحدوته خلصينا
- والله يا شهروره شكلك بيبقى باين اوى وانت عامل مصيبه ......... قول ومش هعملك حاجه
- معملتش حاجه
- يبنى قول احسنلك
- بقولك معملتش وقولى الحدوته بأه بتاعة الليله دى
- اوكى هنشوف ............. مره كان فيه ديك..............
- اللى كان احمر ده؟
- اه انت عارفها؟
- اه سمعتها زمان
- طب مره كان فيه فار اسمه........
- فرفر؟
- اه انت عارفها برده؟
- اه قديمه اوى دى
- غريبه ........... طب اسمع حكاية القرد سعدان
- يااااااااااااااااااااااااه دى من وانا فى كى جى تو دى
- انت قعدت على جهازى؟
- هههههههههههههههههه حد يحط موقع القصص على الـ favorites يا هابله؟
- اه هى بقت كده طب مش هحكى حاجه
- مسرور
مسرور : امرك مولاى
شهريار : طير رقبتها
مسرور : امرك مولاى
شهرزاد : بأه كده يا مسرور ........... يخونك العيش والملح؟
مسرور : معلش يا ست شهرزاد اصل انا نقلت الموقع انا كمان
شهرزاد : اهون عليكوا؟
شهريار : اه
مسرور : اه
شهرزاد : طب احكيلكوا حاجه من الذاكره
شهريار : هممممممممممممممممممممممممممم
مسرور : نسيبها يا باشا ولو معجبتناش نطير علطول
شهريار : اوكى احكى يا شاهى
مسرور : اه احكى يا شاهى
شهريار : امشى اطلع بره يا حيوان ........... انت هتصاحبنا ولا ايه؟
مسرور : خارج يا عم متزقش ............... وله يا عبد الجبااااااااااااااااااااااااااااار انت يا لوح

- احكى يا ستى كده اما نشوف
- ماشى بس مش هعديهالك دى ابدا
- اللى تقدرى عليه اعمليه
- ماشى وربنا منا سايـ.....
- انتى هتحكى ولا هنحوَّر كتير مع بعض؟
- خلاص يا عم هقول ............... بيقولك مره كان فيه فيله اسمها عزيزه جايه تبع السيرك .......... عارفه؟
- خلصى هو فيه حد ميعرفش السيرك
- ماشى صوتك على وهشوف انا الموضوع ده بكره .................. المهم الفيله كلها كانت متعوده تشرب من واد اسمه محسن قام جه شفيق مدير السيرك..........
- ايه القصه اللى كلها اسامى دى؟ عزيزه ومحسن وشفيق ............ بذمتك فيه قصة اطفال يبقى فيها شفيق؟
- كده طب والله لانا نايمه وهكملهالك بكره
- لا مش بمزاجك
- لا بمزاجى بأه اتفاقنا على كده اقول اللى انا عاوزاه اول ليله بس اخلصها تانى يوم وانا كده تعبت
- لا قفلت معايا بأه تكمليها النهارده
- مش مكمله حاجه
- طيييييييييييييييييييييييييييييييب ............... مسرووووووووووووووووووووور
- مش فاضى
- عبد الجبار
- بقولك ايه بنلعب صلح تيجى تلعب معانا ولا تنام؟
- اه يا كلاب ماشى بكره يا شاهى ............... شكلى بكره هموت تلاته مش واحد بس

alf lela we lela part 5 في 11:13 م

"وآدى رقصة المجنونه يابا يابا عالمجنونه .......... شوشو انت برده نايم؟ ............. يلا اياكاش تنام ما تقوم ولا تقع عليك حيطه ...... انا نازله"
يدوبك شهرزاد قفلت الباب راح شهريار قايم بكل نشاط وهو لابس هدومه كامله وخرج وراها فضل ماشى بكل حرص لحد ما دخلت محل فى عماره كده عليها بواب فحل......... فقال يسأله..

- صباح الحير
- صباح النور يافندى (وهو حاطط رجل على رجل)
- فز قوم اقف انت مش عارف بتكلم مين؟
- هتكون مين يعنى ........ ظابط؟
- لا
- يبقى خلاص أقعد زى منا عايز
- هى الست اللى دخلت من هنا من شويه دى دخلت فين؟
- وانت مال اهلك انت؟
- انت اتجننت؟ ........ انت مش عارفنى بجد ولا بتستعبط؟
- مين يعنى فى الاخر؟
- انا شهريار
- السلطان؟ (وقام وقف)
- ايوه انا
- طب هقولك هى دخلت فين بس تحلف انك انت السلطان شهريار
- والله العظيم انا شهريار
- شهريار اهو يا جدعان .................اللى عاوز ياخد حقه

وفى المساء ...........

- انا باك يا شوشو
- ولكم باك (وهو مبتسم ابتسامه صفرا)
- انت مالك فرحان اوى كده ليه؟ 
- مزاجى
- ايوه يعنى ايه السبب .......... ورثت ولا انهبلت على كبر؟
- انا مورثتش 
- طب يلا عالبركه
- بس عرفت بتروحى فين هههههههههههههههههه............. يا تافهه
- اه منا عرفت 
- عرفنى ازاى بأه؟
- مسرور بعتلى رساله وقالى
- مسرور الكلب ده اما كنت اخليه يمسح البلاط
- ما تقدرررررش (مسرور من بره)
- اخرس يا كلب
- يس سيبك انت انا كنت واقعه من الضحك وانت بتنضرب
- اه البواب الكلب ............عمل وشى دواسه
- كان لابس جزمه ميرى آه 
- لا مش على كده بس اكتشفت حاجه حلوه اوى فى البلد هنا
- ايه هى؟
- كل الجزم مكتوب عليها من تحت "شهريار" مش ده يعبر عن حب الناس برده؟
- مش كلها يعنى على ما أظن
- لا أنا اتاكدت انها كلها فعلا بلا استئناء رجالى واطفالى وحريمى كمان
- انت ادرى انا هشوفها فين دى
- لا انا اتاكدت بنفسى............. بس البواب طلع جدع فى الاخر بصراحه وقالى ......وانا كمان كافئته
- آه .............. طب خليها فى سرك باه ومتقولش لحد
- ادينى حاجه قصادها علطول
- اكملك الحدوته بتاعة امبارح
- لا دى هتكمليها غصب عنك
- ايه اللى غصبنى باه ان شاء الله؟
- هطير رقبتك
- مش هتقدر
- هقدر
- طب ورينى كده
- عبد الجباااااااااااااااااااااااار
"دخل واحد ضخم اوى وشفتوه انتوا قبل كده"

عبد الجبار : امرك سعادة الباشا السلطان ....... ازيك يا ست شهرزاد
شهرزاد : يخرب عقلك انت ايه اللى جابك هنا؟
عبد الجبار : أكل عيش يا هانم
شهريار : قلت أرحمه من العماره واجيبه يشتغل هنا بدل مسرور اللى همسح بيه بلاط القصر
مسرور : متقدررررررش (من بره)
شهريار : اخرس يا كلب ............. وانت يا عبد الجبار انت هتقف ترغى؟ طير رقبتها
عبد الجبار : اوامرك يا معلم
شهرزاد : لا كده يبقى الامور اختلفت ........... طب هحكى خلاص لحد بكره اشوفلك تصريفه
شهريار : ايوه كده اتعدلى .................... اطلع بره يا عبد الجبار دلوقتى
عبد الجبار : اوامرك يا زعيم ................. حلوه والله الشغلانه اللى كلها تهويش دى

- ها عاوز ايه بقى قصاد انك تستر عليا؟
- مش عارف ما هى برده نفس المشكله منا عندى كل حاجه
- اوكى حلو اوى قصاد انى استر عليك برده
- تسترى عليا ازاى؟ هو انا عملت حاجه اصلا؟
- اه أكلت ضرب مخدوش حمار فى مطلع
- اثبتى وشوفى لو حد صدقك
- منا صورتك على الموبايل ووشك مكتوب عليه 45 بالمقلوب وانت عارف البلوتوث باه
- ااااااااااااااااااااه اوكى موافق انا انسى وانتى تنسى ....... حلو كده؟
- شغال وفضل منى كمان هكملك الحدوته
- اشطات بس متتكلميش بعدها وتنامى علطول
- موافقه عشان اخلص بأه من العيشه الزفت دى
- احسن برده .................... يلا احكى يا عمو فؤاد
- اوكى ......... هحكيهالك من الاول لانى مش فاكره وقفت لحد فين
- خير وبركه
- مره كان فيه نعجه وعندها تلات ولاد وفى يوم ..............
- نعجة مين يا نعجه انتى ............ انا عاوز العصفور الاخضر اللى امه ماتت
- اه صحيح مانت فاكر اهو ........ ماشى يا عم العصفور الأخضر امه ماتت ...........
- اه وابوه اتجوز عليه وكانت مراة ابوه بتعذبه هو وواخته وهو كان بيحوش عن اخته
- الله مانت اللى قايل قولى من الاول
- منا افتكرت
- طب كمل باه
- لا لحد هنا انا عارف ........... كملى انتى 
- يا مصبر الوحش .......... بس يا عم راحت فضلت تدوس عليه لحد ما قتلته وطبخته وأكلته لابوه وبعدين .........
- يا سلام هو العصافير بتدوس على بعض؟
- اه طبعا اشمعنى البنى آدمين؟
- آه هى بقت كده ........... طب خلاص كملى
- ابوه لما عرف اتشل واخته قالت لازم ترجعه وراحت لحكيم قالها تعمل شوية حركات كده وتدفنه فين وتغنى ايه كده وهوب هوب قام رجع موت مراة ابوه وابوه لما شافه عايش قام رجع سليم تانى
- حلو شكراااااااااااااااا ........... متتكلميش تانى ولا تقوليلى حكاية التمساح ولا الافلامانات بتاعتك دى
- لا يا عم خلاص انا هنام تصبح على خير
- وانتى من اهله ...........
- ........................
- شاهى
- عاوز ايه تانى ........ وشك بيوجعك؟
- هو الحكاية بتاعة النعجه وولادها دى حلوه؟
- لا 
- مش دى بتاعة لما كانوا عند واحد فقير وكل يوم يدبح منهم واحده؟
- لا دى بتاعة الديب لما كانت رايحه تجيبلهم أكل
- ها كملى
- لا هنام باه
- كده ............... عبد الجباااااااااااااااااااااار
- نام بأه .......... هو انتى اشترتنى يا أخى (عبد الجبار من بره)
- تعالى هنا بقولك
- وترجع تقولى امشى انت يا عبد الجبار 
- لا تعالى طير رقبتها علطول
- طب اخلص الدور ده واجيلك
- مش عاوز منك حاجه جتك القرف ................ ماشى مجتش من يوم بس هتكمليها بكره

alf lela we lela part 4 في 11:10 م

" شوشو ......... شهرورتى .......... سلطانتى ........ قوم يا سلطنه انت ........................ وله"
- وله؟؟؟؟؟؟؟؟؟؟؟؟؟؟؟؟؟؟
- اشمعنى دى اللى لما سمعتها قمت؟
- مكنتش سامع
- مكنتش سامع ولا فرحان بالدلع؟
- ما علينا ............ استلفتلك جنيه بحاله من عمتى
- طب ما كانت خمسين قرش كفايه يبنى انت
- لا اصلى مغلول منك فهموتك مرتين
- طب انا هكملك الحدوته بس بشرط
- ايه هو؟
- انك تكمل الحدوته بتاعتك انت كمان
- بتاعة ايه دى؟
- لما كان عندك سلحفه وعيد ميلادك وكده ماتت ازاى برده؟
- ههههههههههههههههههههههههه هع هع هع هاااااااااااااااااااااااااااع
- ايه يا عم انت هترجع ولا ايه؟
- وقعت يا جميل .................. وهتدوقى من اللى بتعمليه فيا كل يوم
- لا يا عم متفرحش اوى كده تلاقيك كهربتها
- لا
- خدتها فوق ووقعت منك
- لا
- غرقتها
- لا
- ماتت من الجوع
- لا
- طب عاوز ايه وتحكى؟
- اممممممممممممممممممم مش عارف منا عندى كل حاجه
- طب اعملك ايه يعنى؟
- اذلك شويه بس
- ايوه يعنى عاوز ايه يعنى؟
- انا عارف بأه ............... افكرلك باه فى اى مصيبه
- طب انا نازله شويه وجايه على ما تكون فكرت
- انتى بتروحى فين صحيح؟
- بخونك
- لا انتى متعمليهاش
- الله طب عاوز تموتنى ليه؟
- عشان كلكوا خاينين
- بقولك ايه انا مش فايقالك وعاوزه الحق.........
- تلحقى ايه بأه؟
- يا عم وانت مالك .............. هو انا بسألك انت بتروح فين وجاى منين؟
- لا
- خلاص كل واحد يخليه فى حاله ..... ايه الخنقه دى ........ brb
- tyt يختى

( وفى المســــــــــــــاء )
- حمد الله على السلامه يا ام الخلول
- هنبتدى نأوره؟ انت اسمك لوحده ممكن أألفلك عليه قصايد
- طب خلاص خلاص
- فكرت تذلنى ازاى؟
- منا مش عارف بأه ............ احكيلك الصبح وخلاص
- نعم يخويا؟ لا هتحكى دلوقتى
- ايه ده عافيه يعنى؟
- اه عافيه 
- متقدريش 
- لا اقدر
- طب ورينى كده
- طب استنى هوريك اللى عمرك ما شفته ............ يا مسرور
" مسرور دخل بسرعه لان مكانه الطبيعى كان ورا الباب)
مسرور : امرك يا ست الكل
شهرزاد : طير رقبته
مسرور : عينيه
شهريار : وله........... انت اتجننت؟
مسرور : ليه يعنى؟
شهريار : تطير رقبة مين يا حيوان؟
مسرور : حسب الدستور اى امر من الملك او الملكه يبقى امر ملكى لا يمكن اعصاه والاضافه اللى سعادتك ضفتها حتى لو كان الامر ده ينص على انى اطير رأس واحد فيهم ....... مش انت اللى حاطط البند ده؟ 
شهريار : اه .......... طب ماهو الخزنه قافله يا ذكى يعنى مش هتعرف تورد الفلوس
مسرور : فى هذه الحاله القانون ينص على انى اكتب تعهد بتوريد الخمسين قرش فى اقرب وقت وانفذ الاوامر
شهريار : اه يا كلب بتفصل القوانين على مزاجك
مسرور : يلا وطى رقبتك خلصنى
شهرزاد : خلاص يا مسرور روح انت
مسرور : ( ولا كأنه سمع حاجه ) يا عم وطى بأه .......... ده انت هرتنى
شهريار : ما هى قالتلك خلاص اهى ولا يعنى ده مش امر ملكى؟
مسرور : يا عم مسمعتش وفى التحقيقات هقول انى كنت لابس ووكمان
شهرزاد : قلت خلاص يا مسرور
مسرور : امرك يا ست الكل 
( وخرج وهو بيبص لشهريار شذرا )
- عشان تعرف بس انى ممكن أأذيك برده
- لا خلاص احنا نعمل معاهده سلميه ............. ايه رايك؟
- امممممممممممممم اشوف بنودها الاول
- انتى متموتينيش بالليل خالص وانا اموتك كل يوم الصبح بس ..... اوك؟
- امممممممممممم وادخل واخرج وقت منا عاوزه ومسمعش نفس؟
- لا يا ستى ده كتير اوى
- خلاص مش لاعبه
- خلاص موافق
- وتكمل حدوتك
- ماشى وانتى كمان
- اوكى موافقه
- عسل اوى كده
- احكى باه انت موتها ازاى
- بس بشرط 
- ايه تانى؟
- مش عاوز كلام بأه من اللى هو ...... اه يا عبيط وحد يعمل كده والهبل ده ......انا كنت صغير ساعتها
- ماشى يا عم
- كان عيد ميلادى وبابا عامل نور فى السقف وكده بس كان حلو اوى وقلت اخليها تشوفه قمت قلبتها على ضهرها اتخنقت ماتت بس كده
- يا سلام ومحستش انها بتتخنق وبترفس كده؟
- منا كنت فاكرها عاجبها النور اوى وفرحانه باه
- امممممممممممممممم 
- منا كنت صغير باه يا شاهى
- هو الكلام ده كان امتى؟
- السنه اللى فاتت
- هههههههههههههههههههههههه اه يا عـ...
- وبعدين بأه .......... احنا متفقين
- طيب ماشى اكملك انا باه حدوتى عشان نبقى خالصين
- ماشى يا شاهى .............. والله انتى طلعتى جدعه
- ما تتمحلسشى باه خلاص هكملها اهو ........... بس يا سيدى قام الارنب والسلحفه اتسابقوا والارنب قعد يلعب والسلحفه ماشيه على اساس انه ممكن فى اى لحظه يجيبها بس فى الاخر ملحقش يحصلها
- ليه باه .............. مات؟
- لا الارانب مفيهمش حكاية انهم يتقلبوا على ضهرهم دى
- بقولك ايه مش عاوز تنبيط طول الليل باه
- ماشى يا عم ................ لا هو كان بيستعبط يعنى والعمليه فلتت منه
- اشطات كده متحكيش حاجه تانيه باه عشان اموتك بكره بمزاجى
- خلاص احسن
- اه هو هيبقى ولا منه ولا كفاية شره؟
- انا عارفه
- وعماله تحكيلى فى حواديت تافهه
- على رأيك آل مره سلحفه وارنب ومره سلطانيه ومره العصفور الاخضر ده عبط
- ايه ايه ايه؟
- عبط
- لا يختى ايه العصفور الاخضر دى؟
- منا حكيتهالك يبنى
- لا محكيتيش
- لا انا فاكره
- والله ما حكيتى حاجه
- يا عم بتاعة العصفور الاخضر
- مش عارفها بقولك
- ياد العصفور الاخضر ياد 
- لا مش عارفها اموت نفسى يعنى؟
- يا عم بتاعة العصفور الاخضر اللى امه ماتت وابوه اتجوز تانى وكانت بتعذبه هو واخته
- كملى وبعدين ايه اللى حصل؟
- الصبح بأه احسن عاوزه انام
- لا دلوقتى ................ يا مسـ....
- تحب اندهولك انا؟
- لا خلاص
- طب نام بأه وبكره اكملك .............. اتخمد ومتشخرش

alf lela we lela part 3 في 11:08 م

" قومى بأه ............. انتى يا وليه "
- وليه؟ ........... ده انا لسه مربعنتش تقوم تقولى يا وليه؟
- اه مش مراتى؟ اقول اللى انا عاوزه
- طب مصحينى بدرى اوى كده ليه؟ عاوز ايه؟
- تكملى الحدوته
- والنبى مش مكسوف من نفسك ؟
- ليه يعنى؟
- طول بعرض كده وهتموت وتسمع حدوته؟ ............ ما علينا روح اجرى هاتلى كابتشينو
- لا ............ ولا كابتشينو ولا زفت كملى الحدوته والا هموتك
- موتنى
- ماشى ............... يا مسرور
- (مسرور من ورا الباب ) ما تسيبها تكمل بأه يا أخى
- ماشى يا مسرور الكلب وكمان بتتصنت .............. كملى يا شهرزاد هانم عشان خاطر مسرور
- وصلنا لحد فين؟
- انا فاكر باه منا نمت فى النص
- خلاص احكيلك حكاية السلحفه والارنب
- مليش دعوه انا عاوز دى
- خلاص نسأل مسرور
- لا خلاص افتكرت لحد ما الوليه اديتله الفرخه ...........
- ايه حكاية الولايا معاك النهارده دى؟
- استنى بس ............... اديتله الفرخه وقالتله بالهنا والشفا على قلبك يا جحا
- والنبى ايه ....... وكمان بتزود من عندك؟........... ما تيجى تحكى بدالى احسن
- يا ستى كملى باه ابوس ايدك
- بوس
- اخلصى باه
- ماشى عشان خاطر مسرور بس ................. بس يا سيدى قالتله خد الفرخه قصاد الفلوس بس متدبحهاش....... قالها ليه؟........... قالتله استنى لبكره وانت تشوف المهم جحا اخد الفرخه وتانى يوم الصبح بيبص لاقاها باضت بيضه ....
- دهب
- ايش عرفك؟ انت عارف الحدوته قبل كده؟
- لا ماهو لو باضت بيضه عاديه مكنش يبقى فيها حدوته
- لا ذكى
- وحتى لو كانت بيضه عاديه كانت هتبقى حدوته عاديه
- ممتاز دماغك حلوه
- وبعد كل الذل ده لو كانت حدوته عاديه كنت هموتك برده بس مش بالسيف كان هيبقى رميأ بالبلغ
- خلاص باه انت هتاخد عليا ولا ايه؟ نكمل حدوته ولا اكمل نوم؟
- كملى كملى ......... يا ماما نجوى
- وانت بأه ايه؟.............بقلظ؟ انا هسميك بقلظ والله لايقه عليك ههههههههههههههههههههه
- خلاص اتشاهدى على روحك ................. يا مسرور
- امرك يا سعادة الباشا السلطان ( وهو بيضحك )
- غور من وشى بضحكتك دى ............ كملى باه
- بس يا سيدى فضل جحا على كده كل يوم ياخد البيضه يبيعها ويعيش بتمنها .............. لحد ما فى مره قال اما يدبحهاكده ويشوف فيه ايه جواها يمكن يلاقى دهب كتير جواها
- ولقى ايه باه؟
- يعنى هيكون لقى ايه؟ فرخه عاديه من جوه
- عبيط اوى
- اه طبعا ازاى يدبحها
- لا كان ياخد منها عينه وعلى اى معمل ابحاث يشوف ال DNA بتاعها ويظبط كام فرخه زيها
- وكان هيجيب تكاليف الفيلم ده منين يا فصيح؟
- ماهى كانت هارياه بيض دهب......... كان بياخد فلوسه بيعمل بيها ايه؟ بيحشش؟
- انا عارفه باه المهم الحدوته خلصت
- اشطات ................... يا مسرور
- امرك يا سعادة الباشا السلطان
- انزل اعمل امر توريد فى الخزنه خمسين قرش
- انا شايف انه كان ياخد الفرخه .................
- روح يا حمار انت ..................... انت هتصاحبنا؟
- طب هات الخمسين قرش
- خد من خزينة القصر
- ماهى فاضيه من ساعة المظاهره الاربعتاشر
- طب استنى كده اما اشوف معايا..........ربع ......... تلاتين.... اربعين....... خمسه واربعين...... تعالى على جنب كده يا مسرور................... معاك شلن؟
- منين مانت راسى على البير وغطاه
- راسى ده انت سوسه .............. ياد هات شلن ياد
- يا باشا معييش كله فى وديعه فى البنك
- ياد فكها ياد......... ده انا سلطان برده
- بقول يا باشا ........... ما تسيبها الليله دى نسمع حكاية السلحفه والارنب واهو منه على ما تجيب الشلن ومنه تبقى بجميله برده
- انت شايف كده؟
- طبعا
- خلاص غور انت
- امرك يا سعادة الباشا السلطان
- ايه مش هياخدنى يموتنى؟
- لا خلاص هسيبك الليله دى
- وقفت معاك على شلن ؟
- لا طبعا ده انا سلطان
- طب كنت قولى وانا اديهولك
- بجد؟
- انت صدقت ..................... يلا انا خارجه .......... سى يو

.............بالليل
- كنتى فين يا ست هانم؟
- وانت مالك
- تبقى بتخونينى علطول كده
- ولو بخونك يعنى هتعمل ايه؟
- هموتك
- فرقت يعنى؟
- لا ...................المهم قولى باه حدوتة السلحفه والارنب
- يا عم انت بتغلبنى على ما اقول اى حدوته
- لا خلاص هقعد ساكت
- ولا نفس
- ولا نفس يا معلم
- كان ياما كان يا ساده يا كرام ولا يحــ........
- عليه الصلاة والسلام
- انا لسه قلت حاجه؟
- احسن اسرح ولا حاجه...... وهو الواحد عنده كام عين يعنى عشان كل مره واحده تطير
- ماشى يا عم سماح المره دى ........... المهم كان فيه سلحفاه وارنب .......
- كان عندى سحلفه وانا صغير وماتت
- ماتت ازاى دى باه ؟ دى بتعيش كتير اوى
- ماهى صعبت عليا فى مره كان عيد ميلادى وحاطين نور فى السقف وكنت عاوزها تشوفه .... ما علينا كملى كملى
- بس يا سيدى قام الارنب قالها انا اسرع منك وانتى بطيئه والكلام اللى انت عارفه ده فالسلحفه قالتله فكك من الكلام ده تيجى نتسابق؟ ..................ييييييييييييييييييييييه اهو اتقلب على منقاره زى كل يوم............... اتاخر بأه وابقى افتكر هات سرير عريض شويه

alf lela we lela part 2 في 11:07 م

"شوشو....شوشو ......ما تصحى بأه الله"
- هى الساعه كام؟
- تمانيه
- بذمتك حد يصحى حد الساعه تمانيه؟ .....سيبينى نايم شويه
- لا بأه مانتاش نايم .......قوم شوف شعبك يا أخى الناس بتموت من الجوع بره
- يا ستى ما يخفوا شويه من على دماغى هو مش فيه ازمة اسكان؟ 
- اه
- اهم بيحلوها من نفسهم بدل ما نوجع دماغنا ونبنى تانى ............ وبعدين انتى لسه عايشه؟
- لا ميته يا خفيف
- يادى طولة اللسان اللى انتى فيها
- يعنى هجيبه من بره منا مراتك
- هو انا مموتكيش ليه؟...............يا مسرور
- مش هنا
- ده راح فين ده ؟
- راح يمضى وجاى
- يمضى فين؟
- اصله بيشتغل فى وزارة الزراعه بيمضى وييجى اوام
- ومين اذنله بكده؟
- يا عم ده هو على كده بقاله عشر سنين وانت مش بتصحى قبل 12 سيبه يلقط رزقه شويه
- الله الله وشويه الاقى ابوكى بيسرح بمناديل ورق فى الاوتوبيسات كمان
- وبعدين ..........مش عاوزين طولة لسان احسن والله منا مكمله الحدوتة بتاعة مرزوق والسلطانيه
- يلا مش مشكله هسيب مسرور يلقط رزقه اكمن هو مقموص
- مقموص من ايه باه؟
- عاوز يرمى السيف اللى معاه
- امال يطير الرقاب ازاى؟
- عاوزنى اجيبله مدفع رشاش
- طب هتسمع بقيت الحدوته ولا هتنام تانى؟
- لا خلاص ............... هقوم افطر واشربلى حجرين عالقهوه تحت واطلع نكملها

وبعد فتره..................
- وقفنا فين؟
- انا فاكر ......احكى من الاول
- نعم هو انت متجوز راديو؟ افتكر
- مش فاكر
- طب والله اما افتكرت منا حاكيه
- اه عند لما نزل للملك تحت
- اشطه عليك
- شفتى انا فاكر ازاى
- اه عقلك سابق سنك بكتير ............ المهم مراته كانت عماله تدور عليه فى الشوارع 

وتقول.....
- يا ترى انت فين يا مرزوق
- الله انت عارفها؟
- لا بس سمعت البق ده كتير اوى ............... كملى كملى
- المهم نزل للملك والعساكر اللى جايبينه قالوا جاسوس يا مولاى ....... الملك باه كان عنده مشكله 
- اه اكيد اتجوز واحده قارفاه
- لا يا روش ده مشكلته انه مكنش لاقى تاج يعجبه فلما شاف السلطانيه فى ايد مرزوق قاله هات التاج اللى معاك ده كده انت 

جايبهولى هديه؟ ............مرزوق قاله اه يا مولاى .......بس يا سيدى وقام الملك امر انهم يدوله 

كنوز كتير وهدايا من عندهم ويوصلوه بيته
- خلصت كده؟ اما حكايه تافهه اوى يا ريتنى كنت موتك امبارح وخلصت
- لا استنى لسه 
- على عمو؟ انت لقيتينى هموتك قمتى قلتى أألف اى حاجه واهو ملك اهبل
- لا والله كلامك كله سليم بس انا مش بألف حاجه
- طب كملى اما نشوف كده
- بس يا سيدى قام مرزوق راح البيت وقعد يحكى لمراته على كل اللى حصل لكن كان فيه جار لمرزوق سمع الحكايه كلها 

وراح جاب هدايا كتير وراح نفس المكان ونزل الميه والعساكر طبعا شافوه ومسابوهوش وودوه للملك 

..................ودوه لمين؟
- للملك
- شاطر .......... الملك اخد منه الهدايا وكل حاجه وقاله معلش احنا ادينا كل حاجه عندنا لمرزوق ومش 

هنقدر نديلك اى حاجه تانيه بس هنديلك اغلى حاجه عندنا............ تاج الجزيره قام جار مرزوق لما شافها 

قال...........
- السلطانيه
- الله انت عارفها؟
- لا البق ده بسمعه كتير برده
- يلا ربنا يوفقك.............. انا خلصت كده
- وحكايه تتحكى فى دقيقه قعدتى تحكى فيها تلات ساعات ............... يلا اتشهدى على 

روحك......يا مسرور
- افندم يا سعادة الباشا السلطان
- طير رقبتها
- مش هينفع سعادتك
- ليه باه ياد انت؟
- الخزنه قفلت الساعه 12 واحنا بندفع على الراس خمسين قرش دمغه
- يووووووووووووووه طب مفكرتنيش ليه ياد انت؟
- مانت كنت مندمج فى الحدوته
- طب غور انت وابقى فكرنى اخليك تطير رقبة نفسك بكره
- امرك يا سعادة الباشا السلطان
- حظك انكتبلك عمر جديد
- وانت كمان انكتبلك حدوته جديده 
- طب قولى
- لا بالليل باه عاوزه اروح لبابا................سلام

وفى قصر الوزير............
- شاهى حبيبة قلبى .......... انا كنت هموت من الفرحه لما اديتينى رنه الصبح
- معلش باه يا بابا معرفتش اتصل شهريار شال المباشر
- المهم انى اطمنت عليكى............ ايه الاخبار؟
- تمام انا وراه مش هخليه يموتنى وبس لا ........اما خليته ينتحر
- طالعه لابوكى
- انا هروح باه عشان متأخرش
- طب خدى دول هاتيلك حاجه حلوه
- يا بابا انا كبرت باه على الحاجات دى
- خلاص هاتيهم انا غلطان
- انت ما صدقت هاتهم اشرب بيبس

وفى المساء............
- احكى باه واحده جديده بس خلصيها عشان اعرف اموتك الصبح
- ماشى يا عم كله من ذوقك ........... عارف الحدوته بتاعة على بابا؟
- حافظها صم
- طب عارف الحدوته بتاعة الـ....
- اه
- انا لسه قلت حاجه؟
- منا عارفهم كلهم
- طب عارف الحدوته بتاعة الحمار اللى قال لأ؟
- لأ...................... وربنا لاموتك احكى اى زفت وخلاص
- طب اسمع يا سيدى ......... بيقولك كان ياما كان يا ساده يا كرام ولا يحلى الكلام الا بذكر النبى عليه الصلاة 

والسلام
- ................................
- قول عليه الصلاة والسلام لحسن تلاقى القلم نازل مطير عينك المره الجايه
- عليه الصلاة والسلام .................. ايه يا بت هو انتى من المدبح ولا ايه؟ كملى من غير قلة 

ادب
- حاضر .........بيقولك ......
- قول يا بابا ماجد قول
- ما تخرس باه خلينى اعرف اكمل
- ................................
- كان مره جحا بيشتغل حطاب وراح الغابه جاب الخشب وراح يبيعه فى السوق وهو راجع باه بالفلوس قابل ست عجوزه 

قالتله تشترى الفرخه دى يبنى منى؟ ........... قالها لا مش عاوز ...........قالتله لا ساعدنى 

وخد الفرخه دى منى بس متدبحهاش 
- خخخخخخخخخخخخخخخخخخخخخخخخخخ
- انت بدأت تقسم ........امال بس عاملى خط الصعيد .............وسع كده لما اريح ساعتين 

انا كمان ................. وسع بأه متنحش
 

part 1 __ alf lela we lela 2009 في 11:02 م

الليله الاولى

"الله يخرب بيوتكوا ......ايه يبنى انت وهو الدوشه اللى بره دى؟..........هو الواحد ميعرفش يرتاح فى قصره شويه؟ ..........اندهولى وزير المخروبه دى"
- دى الناس عامله مظاهره بره يا سعادة الباشا السلطان
- ليه بأه ان شاء الله؟
- مش لاقيين عيش
- طب قول للافران تخبز عيش
- ماهو الفرانيين عاملين مظاهره هم كمان
- ليه تانى؟
- مفيش دقيق
- قول للمطاحن يطحنوا شوية قمح
- نفس المشكله سعادتك مفيش قمح
- يا عم ما تخلى الفلاحين تزرع ده انت فقرى اوى
- ماهم بأه الفلاحين اللى عاملين مظاهره وسايبين الزرع عشان مش لاقيين عيش
- ااااااااااااه طب اصرفلهم عيش من المخازن
- ماهى فاضيه سعادتك من ساعة المظاهره الاولى
- خلاص اصرف لكل واحد كارت شحن من ابو خمسه وعشـ...ولا خليه من ابو عشره
- امرك يا سعادة الباشا السلطان 
- تعالى هنا صحيح ............ جبتلى عروسه النهارده ولا ايه النظام؟
- هنشوف يا باشا 
- طب استنضف بأه مش زى ليلة امبارح
- ماهو مفيش بنات يا باشا فى البلد.....الناس كلها بعتت بناتها للبلاد التانيه
- طب انت مش عندك بنت؟
- اه شهرزاد يا باشا
- طب هتجوزها.......روح يلا مالك متسمر كده ليه؟

"وفى قصر الوزير"
- يا بنتى اسمعى كلامى يلا ناخد اول طياره على بره
- لا يا بابا سيبنى احاول معاه
- يا بنتى انا شايل قرشين حلوين فى سويسرا هيعيشونا ملوك
- قلت لا ....لو عاوز تخلع انت اخلع لوحدك
- منا عامل كده عشانك انتى
- طب وعشانى انا اقعد وشوف انا هعمل ايه
- اما نشوف

(وتم الزفاف سريعا وفى اوضة النوم الملكيه....)
- انتى مالك فرحانه كده ليه؟ ده انتى هتموتى الصبح
- منا عارفه
- عارفه ومبسوطه كمان؟
- اه
- هو الوزير مخلف عيله هابله ولا ايه بس
- يا عم ما كلنا هنموت
- اه بس انتى بكره
- وانت امتى يعنى يا فتك؟
- الله اعلم
- مانت ممكن تموت قبلى
- بقولك ايه انا مصهلل النهارده ومش طالبه معايا نكد .....حد يقول لسلطان فى فرحه انت هتموت قبلى؟
- يعنى حد يقول لعروسه فى ليلة فرحها هتموتى بكره انت كمان؟
- عندك حق انا هنام بأه
- نعم يخويا؟ انت متجوزنى عشان تنام وتموتنى؟
- خلاص خدى الريموت عندك فيه فيلم اجنبى حلو فى الـ MBC2 والاوربت فيها فيلم عربى جميل برده
- لا يا عم مش عاوزه تليفزيون
- امال عاوزه ايه بأه......احكيلك حدوته؟
- لا احكيلك انا يا شوشو
- طب احكى يا ستى وصدعينى
- ولو عجبتك تسيبنى متموتنيش بكره؟
- لو معجبتنيش هموتك دلوقتى ولو عجبتنى هسيبك للصبح
- طب اسمع الاول وبعدين ابقى بق
- قولى يختى 
- بص يا عم بيقولك مره واحد .......
- انتى هتحكى حدوته ولا نكته؟
- اهمد باه انت مش ليك حدوته؟ اسمع للاخر بأه
- ماشى قول يا عم على بابا...........اوعى تكون بتاعة على بابا؟
- لا دى قصة واحد فقرى
- اه كده لايقه عليكى قولى ما هى ليله باينه فقريه من اولها
- بص يا سيدى وما ستك الا انا
- خدى راحتك مانتى كده كده ميته بكره
- يا عم متفولش اياكش انت تسبق ......بص يا عم بيقولك مره واحد فقرى اوى كان ماشى الصبح ورايح يجيب فطار لاولاده حلو الكلام؟
- (بملل ) كملى كملى
- فهو بيعدى جسر كده وبيبقى معاه سلطانيه بيجيب فيها الفول بتاع الفطار المهم وقع من على الجسر ده فى قلب الميه....وقع فين؟
- اخلصى يا حجه بأه هو انتى بتحكى لعيل صغير؟
- ماشى يا عم العجوز.....المهم نزل تحت الميه ناس اخدوه تحت اوى كمان لقى بلد كامله ...
- (باهتمام بس مش عاوز يبين) كل ده تحت الميه؟
- اه واخدوه على الملك بتاعهم كمان اواااااااااااااااااااااااه (بتتاوب)
- كملى بسرعه بأه
- لا يا عم انا عاوزه انام
- يا بت كملى باه متزهقينيش
- ازهق
- هتخلينى اتعفرت
- على نفسك
- يا مسرور
- امرك يا باشا السلطان
- طير رقبتها
- يلا يا مسرور طير وخلصنى وابقى كمله انت الحدوته بأه
- استنى يبنى انت ما صدقت يله .......روح انت دلوقتى
- امرك يا سعادة الباشا السلطان
- طب ماشى مجتش من يوم انا ممكن اجيب اى حد يحكيهالى بس يلا هسيبك وبكره تخلصى الحدوته واطير رقبتك ....

qes we laila 2008 في 10:47 م

المكان:- فى خيمة 
المنظر:- ليلى جالسة على الأرض وتنقى الأرز 
(يدخل قيس) 
ليلى:- (لقيس) قيس إبن عمى عندنا...يا مرحبا يا مرحبا 
قيس:- كم جئت ليلى بأسباب ملفقة...ما كان أكثر أسبابى وعلاتى 
ليلى:- (لقيس) ما تتكلم عربى يا مان 
قيس:- حلاوتك بالعجوه...أبوكى فين يابت؟ 
ليلى:- في السايبر 
قيس:- يعنى أحنا هنا لوحدنا؟ 
ليلى:- والشيطان صايع 
قيس:- أنا لا أفكر فى هذه الأمور... 
ليلى:- ليه ياروح أمك....ما اشبهش البنات اللى انت ماشى معاهم 
قيس:- مش العباره بس..... 
ليلى:- (تقاطعه)وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين 
قيس:- إهدئى يا ليلى( ويخرج من جيبه سيجارة كبيرة الحجم ويعطيها لليلي) مسائه نابت...إعمليلك سحابه دخان 
ليلى:- (فى دهشة) أنت بتحشش يا قيس؟!! 
قيس:- إضربى يا شيخه إضربى 
ليلى:- ( تأخذ نفساً عميقاً من السيجاره) إيه البقسماط ده...دا مضروب يا حبة عينى 
قيس:- بقسماط!!! إيش فهّمك إنتى فى الكيف....إنتى اَخرك تكركرى بالجوزه من غير معسل 
ليلى:- (فى تحدى) طب إستنى ( وتتجه نحو الداخل) 
قيس:- ( لليلى) رايحه فين؟ 
ليلى:- هجيبلك تربة حشيش (وتدخل) 
الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرىصابون سايل أيتها السماء....(لقيس) إنت بتعمل إيه هنا ياله؟ !!!!!!!!!!! 
قيس:- أنا كنت جايلك يا عمى عشان تيجى تصلح لنا السيفون....دانت شغلك زباله..الواحد بعد كده يبقى يجيب سباك نضيف 
الأب:- (فى إنفعال) أين ليلى...ليلى...ليلى 
ليلى:- (تدخل وفى يدها تربة حشيش) أبى ...ماالذى أتى بك مبكراً...إنت مش قولت هتقد ساعتين؟ 

الأب؟- النت فصل...إيه اللى ف إيدك ده؟!! 
ليلى:- دى تربة حشيش هديها لقيس تموين الشهر 
الأب:- (فى ذهول) ياللعار!!...من أين أتيتى بها أيتها الفاجره؟ 
ليلى:- ماتخافشي يابا دا م التموين بتاعى....الحشيش بتاعك لسه بلفتٌه 
الأب:- ( فى راحة نفسية) أة ..إذا كان كده معلش 
ليلى:- ( تعطى الحشيش لقيس) خد يا قيس جرب الصنف دا واحكيلى 
قيس:- (يأخد الحشيش)ليلى...بعدد الجوانات التى بضربها..وبعدد الأحجار التى قمت برصها وبعدد الأنفاس التى قمت بتسليكها...أشكرك بضمير 
الأب:- (لقيس) بقولك أيه ياقيس .... إنت مش ناوى تتجوز ليلى قبل ما تخرج م الضمان 
قيس:- وانت ترضهالى برضه يا أونكل؟ 
الأب:- خسئت...هات ياد تربة الحشيش اللى خدتها 
قيس:- ( يعطيه الحشيش) إمسك ياعم إنت هتذل إمى بحتة الحشيش بتاعتك..لعلمك بقه الصنف اللى أنت فرحان بيه دا بيتباع فى الجمعيه مع اللحمه البرازيلى 
الأب:- (لقيس) إمشى ياد إطلع بره 
قيس:- تصبح على نقاله ياعمى 
الأب:- أغرب عن وجهى

resalet se3edy be el englizy في 10:42 م

مع الاعتذار لاخواننا الصعايدة
اللي مش كده


صعيدي كاتب رسالة بالانجليزي
Dear Friday
عزيزي جمعه//واحد صاحبه

when I was in the lady first yesterday i saw a piece of girl
اول امبارح وانا ماشي في السيده
شفت حته دين بنت

she was egg and sweet
بيضه وحلوه

i said: ya earth keep what on you
انا قلت: يا ارض احفظي ما عليكي

a hundred evening on your eyes ya beautiful
ميت مسا علي عيونك يا جميل

she said : poison
قالت : يا سم

i said : poison from your hand is poison poison ya moon
قلت : السم من ايدك يبقي سمسم يا
قمر

she shouted in me : yes yes your mother soul.
صرخت : نعم نعم يا روح ***

do you remember me one of them
> > أنت فاكرني واحده من اياهم

collect your self or i will collect the street on you ya
omar
لم نفسك ولا الم عليك الشارع
ياااااااا عوووووومر

the girl entered my brain
البنت دخلت دماغي

i said : why like this ya daughter of people
قلت : ليه كده يا بنت الناس

i want you on the book of god and his prophet
انا عاوزك علي سنه الله ورسوله

the boon on me i write my book on you tonight
ندر عليا اكتب كتابي عليكي الليله

she laghed and said on your slow on your slow
ضحكت وقالت: علي مهلك علي مهلك
write the book one piece? not talk on me first
تكتب الكتاب مرة واحده؟ مش تتكلم
عليا الاول(يعني تكلم أهلي)

i shouted: i die in the cream ya thousand whites morning
زعقت: اموت في الحلاوه يا الف نهار
ابيض

i am going to talk on you right now and writ my book on you
انا رايح أتكلم عليكي حالا واكتب
كتابي عليكي
==============
hope you like it

el gomal bta3t el mokrobasat في 10:38 م

صر يا أستاذ؟
عليا الطلاق منا محمل
العربية أربعات يا أساتذة
الأجرة قدام
قدام محجوز
الكرسي ورا أربعات أنا جاي فاضي
حد نازل
الأجرة جنيه يا أفندية
الأجرة يا بشمهندس
(تباع) علي التسجيل يا أسطة
الأستاذ اللي قاعد عالقلاب, فضي الطريق عشان الناس تعرف تركب
الكرسي اللي قدام واحد بس
الأجرة كله جنيه حد نازل
معاك ....... يا أسطة
العربية مش طالعة
الشاملة؟
حد معاه بلح أو أي حاجة نفطر بيها؟
التسجيل مش شغال
الأجرة مع بعض كده يا فندية
كل واحد يحضر اجرته فى ايده كده يا افنديه عشان ماتشغلوناش فى الطريق
لا مافيش فكه يا استاذ (وهو الفكه فى ايده ) ولما تقوله ماهى يا اسطى يقولك انا حر يا استاذ
خلاص قدام
----------------------------------------------------------------
لا وكمان اللى يغييظ انك لما تيجيي تيديلو مثلا جينيه كويين يقول لا مبيمشييش معايا .

amthela sha3bvya 2008 في 10:36 م

نبتدي ....<<

1 :: لا تبكى على اللبن فى البسكوت

2 :: اللى ياكل لوحده يشبع

3 :: من طلب العلا يتفضل فى كابينه (10)

4 :: اللى بيته من ازاز ميغيرش هدومه فى الصالون

5 :: يا خبر النهارده بفلوس بكره ينزل عليه اوكازيون

6 :: فاقد الشىء يدور عليه

:: اقلب القدره على فمها الفول يقع منها

8 :: اللى معاه قرش محيره يجيب حمام و يحمره

9 :: قالوا يا محششين يكفيكوا شر الكمين

10 :: اطبخى يا جاريه الانبوبه فاضيه يا سيدى

11 :: لو حبيبك عسل متحطلوش طحينه

12 :: اللى يتلسع من الشوربه يتصل بالمطافى

13 :: بكره ترجع ريما من عند خالتها فى مارينا

14 :: يا داخل بين البصله و قشرتها حط قطره عشان هتدمع من ريحتها

15 :: اصوم اصوم و افطر على المدفع

16 :: القرش الابيض بيعوم فى البحر الاحمر

17 :: نام و ارتاح و كل عسل نحل التمساح

18 :: من خرج من داره مش ينسى ياخد المفتاح معاه

19 :: اللى يخاف من العفريت يعمل عبيط

20 :: اللى خدتوا الارعه تخدو ام الخلول

21 :: اكل العيش يحب الطعميه


22 :: العين عليها lenses

23 :; قالوا للحرامى احلف قالهم وحياه قلبى و افراحه

el donya mat3am kber في 10:14 م

فيها ناس مالحة ************** ترفع طغط الدم
وفيها ناس عادمة *********غلسة و من غير طعم

وفيها ناس باردة ******* عايزة السك عشان تتلم

وفيها ناس رخمة***تعمل قرحة و عسر الهضم

وفيها ناس بايتة تهرب منك وقت العوزة

و كمان برضو

فيها ناس حلوة *و طعمها حلو

تعمل بهجة ** و تعمل جو

وفيها ناس فاكهة وقلبها طيب

فراولة و ما فيهاش شىء يتعيب

كٌل و أتهنى وزرنا قريب ;)

MaTerKabsh Gamb Wa7da Fe EL 2atd في 10:12 م

بينما القطار يشق طريقه متوجه الى فرنسا كان يجلس فى داخله أربعة أفراد متقابلين :
" أمريكى ...وأفغانى ... وفتاه ...وامراءة عجوز... "
، دخل القطار فى نفق مظلم فسمع الركاب صوت قبله ... ثم تلاها صوت صفعة على الوجه.
فلما خرج القطار من النفق شوهد الامريكى يحك خده وقد احمر ...،
فدار هذا الحوار:
قالت العجوز فى نفسها : يالها من فتاة غبية قبلها الامريكى فصفعته على وجهه ..

وقالت الفتاة فى نفسها : ياله من امريكى غبى .... يتركنى انا ويقبل هذه العجوز ..

وقال الامريكى فى نفسه : ياله من افغانى محظوظ .... يقبل الفتاة واتلقى انا الصفعة..

وقال الافغانى فى نفسه : يالى من افغانى ذكي ... قبلت يدي ثم صفعت الامريكى...

emt7an tahawya 3ama lelmsatel fe el mofradat في 10:09 م

مسطوووووووووووووول 

مثنى صخرة : ح ج ر ي ن

من اجزاء الجسم : د م ا غ

رتّب : ر ص
من ابراج الحظ : ا ل ج و ز ة

يجيدها الترزى : غ ر ز ة

اداة استفهام : ك ي ف

تجدها فى سمبوكسة : ك ب س ة

ملقاط كبير : م ا ش ة

من اوصاف الدنيا : غ ا ب ة

يجذب : ي ش د

جمع شهيق : ا ن ف ا س

مرة واحد اعمى فتح من فرحته اتشل


مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها



مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت


مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه


مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك



مره واحد سايق عربيه شاف يافطه مكتوب عليها ( خفف 100 ك) راح مخفف 100 ك لقى يافطه تانيه مكتوب عليها (خفف 50 ك) راح مخفف50ك لقى يافطه مكتوب عليها "اهلا بكم في مدينه خفف



واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين



مرة واحد مجنون كان بيكتب جواب فدخل الدكتور عليه قاله بتعمل ايه قاله بكتب جواب لنفسي فراح الدكتور قاله بتكتب فيه ايه فرد عليه المجنون يامجنون هو لسة جالي عشان اعرف



واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت


مره واحد اشترى لمبه مسمار دقها في الحيط


مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناحكات السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال له ومات ؟؟؟؟ قال له انت عايزه ينزل فى 3 ايام من غير اكل و لا شرب وما يمتش

Hayyes T3esh KoWaYes في 9:54 م

السلام عليكم ورحمه الله وبركاته 

ازيكم يا جماعه نحن هنا لتتهيس فقط 
Have Fun